大阪周遊卡 顧名思義就係大阪市內嘅一張旅遊卡,包含交通券、免費景點入場、其他優惠設施同餐廳優惠,教你可以用最抵嘅價錢玩盡大阪!


大阪周遊卡分別有1日劵同2日券,價錢分別為2,700円(~HKD194)同3,600円(~HKD259),隨券會有餐廳同店鋪嘅優惠券同使用指南,而最近都推出咗大阪周遊卡嘅專用App,等你隨時隨地可以check到相關優惠!

除咗價錢之外,1日券同2日券最大分別嘅就一定係免費交通的路線。1日券同2日券都可以搭乘地鐵、新電車及巴士,但1日券可以額外乘坐市區私鐵(JR除外)、市區範圍內的阪急、阪神、京阪、近鐵和南海電鐵,而2日券則唔可以。另外,無論係1日券定2日券都唔包含關西機場至市區難波,所以記住要另外買票!

大阪周遊卡包含51個熱門景點嘅入場券,例如梅田空中庭園展望台、HEP FIVE摩天輪、大阪生活今昔館 (大阪市立人居博物館)、SPA住之江、帆船型觀光船聖瑪麗亞號遊覽等等,但值得留意嘅係需然佢提供51個選擇,但有部分嘅景點唔可以同另一啲景點重複選擇,詳情可以去官網睇番。

另外,2日券需連續2日使用,而同一個景點設施只限使用一次!

想知道大阪周遊卡可以慳到幾多?就以小編為例~小編上次去咗大阪港,玩咗大阪Legoland、天保山大摩天輪、聖瑪麗亞號、JAPAN NIGHT WALK TOUR四樣野,再加上心齋橋來回大阪港,價錢就係:

成人票價
心齋橋來回大阪港 560円
大阪Legoland 2,300円
天保山大摩天輪 1,600円
聖瑪麗亞號 800円
JAPAN NIGHT WALK TOUR 1,000円
總共Total 6,260円

而大阪周遊卡1日券只需要2,700円,小編一日就慳咗3,560円(~HKD256)啦!如果你去得多啲地方,就會慳得仲多!只要你一日去2-3個原本要付費入場嘅景點,加上交通費,其實就一定會抵返哂~

而除咗免費景點以外,大阪周遊卡仲有超過100間店鋪、食肆、景點優惠,可以話幾乎成個大阪都可以平住玩!

講到大陂最出名嘅就一定係道頓堀。位於道頓堀嘅摩天輪惠比壽大廈,可以話係成個道頓堀最出名嘅地標,停駛10年再次重開,小編當然要去試下啦~呢個摩天輪普通票平日就600円,而VR吊艙就要1,600円,但出示周遊卡後,普通票就係100円,而VR吊艙只要600円,半價都唔洗呀!

如果你想行下博物館,做一日文青嘅,小編都幾推介道頓堀博物館並木座~大阪嘅歌劇有超過400年歷史,而頓堀博物館並木座就紀錄咗相關資訊,甚至有個角落比你打扮成古時日本嘅藝人、藝妓,仲有歌劇可以欣賞架~而如果你有周遊卡,唔單止門票可享5折,而歌劇表演都可以免費欣賞~

大阪周遊卡有大量銷售點,例如Osaka Metro客戶服務中心、私鐵站、旅遊服務中心、各大景點周圍,甚至可以上網訂購。官網仲列出所有銷售點添,會出發去大阪就睇下啦。

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

下載:hkDate 免費香港交友APP,認真交友,尋找穩定關係及結婚對象( Android + IOS)



[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App