香港旅遊優惠情報TG Group

去日本多數都係去東京或者大阪,可惜一個東一個西,好少有人會一次過去哂兩個地方。但其實要一個trip玩哂兩個城市一啲都唔難架,今次小編就幫大家整理咗4種交通方式,分別係新幹線高速巴士飛機電車,等大家玩盡日本兩大城市!


新幹線-JR東海

新幹線應該係最多人識、最廣為人知嘅交通方法。係東京站上車,乘搭JR東海道新幹線2.5個鐘,係新大阪站落車就到啦!

由東京出發去大阪,唔需要往返嘅,單程票成人需要14,520円(約$ 1,043),可以選擇網上購票或者去站內購票,甚至各大旅遊網買乘車。

*如果你真係覺得好貴,不妨去當地嘅大黑屋睇下,可能會尋到寶架!

而如果你想買JR Pass嘅你就小心留意,因為呢段唔屬於JR東日本,所以唔可以使用JR東日本嘅Pass,唯一可以用嘅交通pass就只有全國JR Pass。

一張7日全國JR Pass普通車廂成人要價29,650円(約$ 2,131),小童就14,820円(約$ 1,065),感覺上真係好貴,但話到明係7日券,代表你可以係7日內無限乘搭,變相東京來回大阪要價29,650円。雖然無特別平到,但因為新幹線價格會因為日子唔同而有變動,買咗呢張JR Pass就唔需要擔心呢樣野!

值得留意嘅係,全國JR Pass並不適用のぞみ(NOZOMI)新幹線列車,所以記得避開啦!


高速巴士

如果你地唔想太貴,想盡量壓低成本,過夜巴士就係你最好嘅選擇啦!由東京出發,大概8至9個鐘就會到達大阪。雖然行車時間長,但只係要價2,500円(約$ 180),仲可以慳埋一晚酒店錢添,絕對係窮遊之選!但係過夜巴士價格浮動大,唔同公司都會有唔同價錢,而且因應唔同設施價錢都有分別。

例如呢個無廁所、無寬座位、無得攤平就只要2,500円。

但好似呢個咁,有獨立座位、可以訓平、有廁所就要價6,300円。

如果你想來回,甚至係玩埋周邊城市,好似名古屋、京都等等,呢張JBL Pass就係你最好嘅選擇。3日券係11,000円(約$ 790)、5日券係14,000円(約$ 1,006)、7日券係18,000円(約$ 1,293)。你可以係限定時間內任意乘搭高速巴士,咁心大心細想去多幾個地方都唔怕啦!


國內飛機

係日本國內旅行,搭內陸機就一定係最直接,大概1個半鐘就會到達!Jetstar、Peach、ANA、JAL呢四間航空公司都有做東京來回大阪嘅航班,唔想逐間check嘅你不妨去skyscanner格下價!

以Peach為例,其實唔包行李5,520円(約396)就有交易架啦!

東京羽田機場同大阪伊丹機場就最近市區,由池袋去羽田機場只要50分鐘,但去成田機場就要成1個鐘多少少。而伊丹機場去梅田只要30分鐘,但關西國際機場就要成1個鐘。因為羽田機場同伊丹機場距離市區最近,相對交通費比較平,池袋去羽田機場要756円(約$ 54),而伊丹機場去梅田只需650円(約$ 46)。所以想比較交通費嘅,就記住加埋機場往返市區嘅錢啦!

要特別留意,Peach同Jetstar都只可以到達關西國際機場,而Jetstar亦只可以由成田機場出發。雖然羽田機場去伊丹機場嘅航班最多,但只可選擇ANA同JAL,所以機票會貴啲架!


電車

最後一種交通方法就係電車!由東京出發大阪其實沿途會經過好多個城市,而搭電車嘅好處就係可以想落車就落車,想玩邊個城市就玩邊個城市。但搭電車就轉成6次車,行車時數高達8個半鐘,而且要價8,910円(約$ 640)。

如果你真係選擇電車嘅,小編都建議你買返張「青春18」,佢可以比你無限次乘搭全國JR嘅普通、快速列車嘅普通車廂自由席,但唔包括特急列車同新幹線架!

青春18價錢係12,050円(約$ 866),大小同價!佢一張票可以用5次,一次可以用一日,換句話就係一張票可以用5日,平均每日2,370円就可以無限坐電車啦。


綜合比較

價錢 (單程) 時間
新幹線 14,520円 ~2.5小時
高速巴士 2,500円 ~8至9小時
內陸機 4,500円至9,180円 ~1.5小時
電車 8,910円(普通電車)  ~8至10小時

新幹線係所有選擇入面最快都係最貴嘅,好處係佢唔使好似飛機咁等咁耐。而國內機雖然比新幹線平,交通時間最短,但如廉航要加上寄艙行李費,機場市區來回費用及等候時間等等。高速巴士就係窮遊必選,但壞處係要早1至3個月前預訂車票,而且長時間坐9個鐘其實都好辛苦。最後小編真係唔多推介大家搭電車,除非你想玩埋中途會經過嘅地方,如果唔係同樣係8至9個鐘車程,由東京去大阪嘅,高速巴士係個更好嘅選擇。

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App