香港旅遊優惠情報TG Group

自從加咗燃油附加費,連稅一千有找嘅台灣機票幾乎絕跡!咁點樣飛台灣先叫抵?除咗價格之外,仲有咩入手因素?

小編綜合過往半年 (2018年12月至2019年5月份) 嘅台灣機票價格,同大家逐間 Airline 分析,睇睇點樣先叫抵買!

傳統航空:台北快閃遊之選

香港飛台灣嘅航班,基本上九成都係由傳統航空營運。當中以飛台北為主,機票有效期 (停留期限) 一般都唔長,適合即興快閃遊!

香港航空

【台北】最抵價:連稅$ 1,098|入手價:連稅$ 1,200|正常價:連稅$ 1,400

  • 好處:一個字,最最最抵!
  • 缺點:航班時間一般。只有台北一個台灣航點,冇得 Open jaw。寄艙行李額相對較少。
港航嘅台北機票,係咁多間傳統航空入面最抵嘅!

港航喺傳統 Airline 中一向以價格取勝,飛台北都唔例外!試過有即飛優惠做到連稅$ 1,098起,呢口價真係無人能敵!

不過由於班次唔多,航班時間就一般般。而寄艙行李額亦只有 20kg!適合學生哥趁 Sem-break 輕裝窮遊!

港航勁減嘅優惠比較飄忽,通常係隔1至2個月先出現。雖然間中有 Flash Sale / 周一優惠,但未必會有台北,大家都可以望望嘅。

中華航空 / 華信航空

【台北】最抵價:連稅$ 1,288|入手價:連稅$ 1,350|正常價:連稅$ 1,500
【高雄】最抵價:連稅$ 1,288|入手價:連稅$ 1,450|正常價:連稅$ 1,700
【台中】最抵價:連稅$ 1,338|入手價:連稅$ 1,450|正常價:連稅$ 1,700
【台南】最抵價:連稅$ 1,338|入手價:連稅$ 1,450|正常價:連稅$ 1,700

  • 好處:有多個航班時間,可以早機去、晚機返。有多個航點、可直飛台南,亦可 Open jaw。機票有效期可長至14日。
  • 缺點:部分航班未必設有機艙娛樂設備。飛機餐欠缺選擇。
華航係唯一一間有營運香港來回台南嘅直航班次,所以直飛台南就一定係佢啦!

近年多咗人去台灣中 / 南部玩,而最方便就係搭華航啦!台南更加係唯一直航機添,飛台南可以唔駛諗直接揀佢啦!

華航每日有勁多班機,啱晒打工仔早去晚返,攞多幾日假 Open jaw 都得!不過飛機餐就冇乜選擇!

華航有隻全年優惠,基本上大部分日子都有入手價。有時會有突發嘅 last minute 優惠,就會做到最抵價嘅價格啦。

長榮航空

【台北】最抵價:連稅$ 1,143|入手價:連稅$ 1,300|正常價:連稅$ 1,600

  • 好處:有多個航班時間,可以早機去、晚機返。屬 Skytrax 5星航空,服務夠晒好。機票有效期可長至14日。
  • 缺點:只有台北一個香港直航點,較難 Open jaw。部分特價機票係 Last minute 即飛價,或只適用於平日出發。

想搭得好少少,獲 Skytrax 5星評級都係個唔錯嘅選擇!機艙服務員夠貼心,帶埋小朋友遊台都唔錯。

而近期長榮做得較多 Last minute 優惠,或者於指定日子 (旺季前後嘅加班機) 有極低價。

但留意有時又只適用於星期一至三出發,打工仔夾 Weekend 去就較難有平了!

國泰航空 / 國泰港龍航空

【台北】最抵價:連稅$ 1,473|入手價:連稅$ 1,550|正常價:連稅$ 1,700
【高雄】最抵價:連稅$ 1,503|入手價:連稅$ 1,650|正常價:連稅$ 1,800
【台中】最抵價:連稅$ 1,503|入手價:連稅$ 1,650|正常價:連稅$ 1,800

  • 好處:有多個航班時間,可以早機去、晚機返。有多個航點,可 Open jaw。
  • 缺點:價格較貴。

國泰嘅台灣機票較少做優惠,係每周嘅 Fanfare 會有返啲平飛!但唔少港人都始終鍾情國泰,時間靚之餘、啲 Crew 都係講廣東話,搭得舒服又易溝通!帶爸爸媽媽 / 屋企老人家去玩的話,搭國泰就會方便啲!

低成本航空:環島 / 多地遊之選

近期多咗人去台灣環島遊,揀廉航就啱晒,玩幾耐都得。

廉航方面,勝在冇停留期限,即係可以環島遊慢慢玩!但就不包括免費寄艙行李額,想盡慳嘅,輕裝 Backpack 遊都得嘅!但小編認為就算加埋行李費,都唔算貴!

HK Express

【台中】(不包寄艙行李額) 最抵價:連稅$ 661|入手價:連稅$ 800|正常價:連稅$ 1,000

寄艙行李收費 (每程計):20kg $ 229、25kg $ 279、30kg $ 329
網上後加行李 (每程計):20kg $ 275、25kg $ 430、30kg $ 435

  • 好處:價格最抵!
  • 缺點:不包寄艙行李額、飛機餐。

台中係 HK Express 最平嘅航點,亦係港人遊台灣中部嘅首選!睇返近半年價格,2月份做過$ 88機票優惠:連稅六百六!不過近期都少見咁平,可能要等年尾周年 Sale 先有勁減啦!

台灣虎航 (澳門出發)

【台北 / 台中 / 高雄】(不包寄艙行李額) 最抵價:連稅$ 455|入手價:連稅$ 900|正常價:連稅$ 1,100

寄艙行李收費 (每程計):15kg $ 210、20kg $ 240、25kg $ 300

  • 好處:優惠價適用於暑假旺季。可 Open jaw、早去晚返。
  • 缺點:於澳門出發。不包寄艙行李額、飛機餐。

唔好以為飛台灣廉航得 HK Express,其實仲有台灣虎航,不過就係澳門出發!最平試過單程$ 28,來回連稅四百五起!

咁搶到平飛,加埋香港來回澳門交通 (來回直通巴約$ 240 / 來回船飛約$ 331) ,一次過玩晒兩個地方都唔算貴喎!

台灣虎航屬華航旗下,好在有得飛中 / 南部,有時會連暑假都有平添!台灣虎航不時都有優惠,可以留意間中一次大 Sale 就有勁平嘅平飛!

講咗咁耐,咁究竟點揀好?

【飛台北?】盡慳窮遊,梗係等港航減價!要靚時間,就揀華航 / 長榮!同屋企人去玩,就先諗國泰啦!
【飛台中?】一定要睇咗 HK Express 先!時間日子唔啱心水,就再望下華航!
【飛高雄 / 台南?】華航基本上係無敵啦,唔駛諗啦!
【環島遊?】用台中做出入口,搭 HK Express 夠晒平靚正!
【即興快閃遊?】留意華航 / 長榮嘅 Last minute 優惠,即飛可以做到好平!
【Open jaw 順路玩?】建議揀華航,又方便又抵!國泰就略貴了!
【有個悠長假期,想玩耐啲?】一於搭程船過澳門,食件葡撻再搭台灣虎航慢慢玩!

點買最筍?

各大機票預訂網 / 網上旅行社不時都會推出限時優惠或優惠代碼,大家可以留意我地每日更新嘅機票優惠情報,以獲得最筍機票資訊。

另外,大家亦可善用 Skyscanner 或 Airbare 機票格價網,比較各大航空公司係同一出發日子下,邊間嘅價錢及航班時間最吸引。

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App