香港旅遊優惠情報TG Group



奧地利航空新一輪優惠開波啦!今次多個歐洲城市減到連稅3千8,其中「一生人必去一次」嘅布拉格都有份,真係心心眼出哂黎❤❤❤!18年5月31日前出發,來回歐洲各大城市連稅$ 3,880 起,好似布拉格/布魯塞爾/阿姆斯特丹/哥本哈根只需$ 3,880、米蘭/布達佩斯$ 4,280、巴黎$ 4,380!

飛10幾個鐘去歐洲無奶油淨去一個城市咁嘥,呢個offer可以Open Jaw,一票至少玩兩地,假設由布拉格入,阿姆斯特丹出,途中就可以經德國/奧地利/匈牙利等地,行程自由配搭,歐遊方便好多啦!

今次奧地利航空減價嘅航點,全部都好值得去架!而小編精心挑選咗幾個行程俾大家,鍾意嘅話不妨拎去參考!

布拉格
好多人去到布拉格,指定動作一定係去查理大橋同天文鐘 (關閉維修直至2019年)!不過其實仲有3個地方都好值得去,其中必去St. Nicholas Church 聽返場管風琴音樂會 (莫札特曾經喺到表演過)!而喺查理大橋橋底有一間老字號木偶店Marionety,木偶手工超仔細,而且店員仲會當場示範點樣控制隻木偶,超勁!不過小編最情有獨鍾都係布拉格克萊門特學院,參加佢地嘅Day Tour就可以參觀入面獨特嘅Mirror Chapel同埋「全世界最靚嘅圖書館」!不過成個Tour嘅戲肉都係最後部份,爬幾條長長嘅舊樓梯去到大樓頂部,一望出去就會見到一整遍紅屋頂,呢個景象到宜家都難以忘懷!

St. Nicholas Church 地址:Malostranské nám., 118 00 Malá Strana, Czechia
Marionety 地址:Nerudova 231/51, 118 00 Malá Strana, Czechia
布拉格克萊門特學院 地址:Mariánské nám. 5, 110 00 Staré Město, Czechia

布魯塞爾
黎到比利時首都除咗要食朱古力,仲有好多野可以做架!例如去布魯塞爾大廣場!呢個廣場被列入為世界文化遺產之一,多座嘅巴洛克式建築及少有嘅封閉式庭園設計都好值得大家去留意!而且呢個地方大到可以行足一個晏晝,行到天黑睇埋夜景就更Perfect池啦!不過行嘅時候,記得順便搵埋尿尿小童影相呀!相信大家都聽過G字頭呢間朱古力專門店,原來佢黎自比利時,所以去到無理由唔買返盒做手信嘅~唔知價錢會唔會平啲呢?

布魯塞爾大廣場及尿尿小童地址:1000 Brussels, Belgium

哥本哈根
「安徒生童話」大家細細個都聽得多,但大家知唔知佢係丹麥人呢?單喺哥本哈根市內就有好多安徒生嘅蹤跡,好似哥本哈根中央車站就有一尊安徒生雕像,再行多幾步路,就可以去到安徒生童話屋,呢個博物館收藏咗大量手稿同各類展覽品,鍾意童話世界嘅就岩哂喇!不過講到哥本哈根嘅signature,一定係河道旁嗰啲一排排小屋,據聞安徒生都曾經喺到生活過5年,不過住邊一間就真係唔知!而喺小屋行多25分鐘,就會去到著名嘅美人魚像啦,而整個童話之路亦都可以完滿畫上句號!

安徒生雕像地址: Rådhuspladsen – 1553 Copenhagen
安徒生童話屋地址:Rådhuspladsen 57 – 1550 Copenhagen
河道小屋地址:Nyhavn 16 – 1051 Copenhagen
美人魚像地址 :Langelinie 19 – 2100 Copenhagen

出發日期:11月16日至18年5月31日
訂飛日期:即日起至11月15日
停留期限:1個月

訂飛網址:http://www.austrian.com
查詢電話:2846 6433

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App