香港旅遊優惠情報TG Group


【訂房必讀】各大酒店折扣代碼大晒冷!

今年歐洲機票持續大混戰!歐洲機票跌到去2字頭,分分鐘仲抵去過日本!咁到底依家歐洲機票幾錢先值得入手去呢? 太多航空公司太多航點,睇到你眼花撩亂?唔洗擔心,等小編話你知喇!

最後更新:2018年1月2日

注:以下所提及的價錢為來回連稅價錢,及未包廉航寄艙行李費,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

俄羅斯航空 (經莫斯科轉機)

卡塔爾航空 (經多哈轉機)

阿提哈德航空 (經阿布扎比轉機)

阿聯酋航空 (經杜拜轉機)

想平飛歐洲,又肯轉機既,可以揀中東三寶 (卡塔爾航空、阿提哈德航空、阿聯酋航空) 或俄羅斯航空!當中最平就梗係俄航喇!俄航之前出左一次勁震撼嘅優惠,連稅$ 2,500就飛到去歐洲喇!不過依個優惠真係可遇不可求,唔知會唔會再出到咁平!一般嚟講,俄航優惠價約$ 3,000至3,500左右!只要早4至5個月買一定有平!而中東三寶今年就好似靜咗少少,而且啲優惠無之前咁平!一向sell高質嘅卡塔爾航空,雖然今年發生咗斷交事件,但係今年係佢最平!試過最平來回連稅$ 2,600咋!阿提哈德航空的價錢比起上年都貴左少少,一般喺$ 2,900至$ 3,600!而阿聯酋航空今年都一樣係賣到去3字頭,優惠價約$ 3,600至$ 4,500!佢隻歐洲機票特點係可以中停杜拜,俾你玩多個地方!

呢4間航空比較,一般黎講俄航最平,其次係卡塔爾航空同埋阿提哈德航空,最後係阿聯酋航空,小編建議3千頭 (視乎航點同航空公司) 就即刻入手啦!而想再平多啲啲,可以揀坐越南航空,倫敦/法蘭克福/巴黎連稅都係$ 3,300,價錢無得輸!另外性價比高嘅長榮價錢都唔錯,飛維也納/巴黎最平連稅都係三千頭!

如果想坐直航既,一定要早留意住,因為唔太多優惠出,直航可以留意呢幾間航空公司:

– 法國航空/皇家荷蘭航空 (約3個月一次優惠)
阿姆斯特丹:最平試過連稅$ 4,098,平時入手價$ 5,300。
巴黎:最平試過連稅$ 4,533,平時入手價$ 5,300。

– 芬蘭航空 (約3個月一次優惠)
芬蘭赫爾辛基:之前試過最平連稅$ 4,725,優惠唔常見,今年都只係出過一次,預五千鬆啲已經可以入手。而轉機去其他北歐城市優惠價約$ 3,700至$ 4,200,都幾okay架!

– 瑞士航空
蘇黎世:最平試過連稅$ 3,351 (16年11月出現過嘅Last Minute優惠,平過坐轉機),入手價$ 5,000。

– 英國航空 (約半年一次優惠)
倫敦:今次總共出咗七次優惠,最平試過連稅$ 4,655,如果加多程去埋廣州仲平,$ 4,435咋!入手價$ 5,800。

– 維珍航空 (約3個月一次優惠)
倫敦:最平試過連稅$ 4,560,入手價$ 5,800。今年維珍優惠都出得幾頻密!不過最好都要預早半年留意啦。

– 北歐航空 (約2個月一次優惠)
瑞典斯德哥爾摩:最平試過連稅$ 3,421,好平喇!入手價$ 4,200。

– 奧地利航空
維也納:今年出咗個顛價,連稅$ 3,380!入手價$ 4,500。

– 漢莎航空 (約半年一次優惠)
慕尼黑:最平試過連稅$ 4,927,入手價$ 5,500。
法蘭克福:最平試過連稅$ 4,709,入手價$ 5,500。

– 土耳其航空
伊斯坦堡:最平試過連稅$ 5,870,長期無優惠,入手價$ 6,000。不過歐洲轉機都可以揀佢,今年出優惠出得比較密,優惠價好多時四千有找!

國泰航空 

國泰航空今年新增左巴塞羅那嘅航點,暫時未見佢出優惠,而下年暫時宣佈咗會新增三個航點,包括﹕布魯塞爾、都柏林同埋哥本哈根!優惠方面就留意下每星期二朝早嘅fanfares,大多數都會有歐洲航點,價錢亦都好平下,即係表中既最低價!直航價錢連稅低至三千幾!國泰嚟講依個價算破底價!

小結﹕

去歐洲有咁多選擇,淨係諗轉機定直航已經要好花精神!不過今年中東三寶佢地就似乎懶咗,出少咗優惠,價錢又有所回升!相反其他航空公司轉機,又或者直航個價就一減再減,有時仲有抵過轉機價嘅顛價出現!建議可以特別留意下國泰,而家最平直航都係賣緊四千七! 其實如果相差唔超過一千蚊,真係唔值得花多咁多時間轉機,坐直航會舒服好多!就算轉機都可以留意下中東三寶之外嘅航空公司,例如北歐航空、芬蘭航空,至少唔洗兜去中東轉機,可以慳返啲時間!

小貼士
1. 黃金定律!去歐洲的話一定要預早半年左右訂,好少會有last minute 優惠。
2. 通常歐洲既優惠都可以openjaw,即係不同城市來回,咁就可以避免走回頭路,用Multi city 功能search 就得!如果想飛倫敦的話建議倫敦入其他城市出,咁就可以避咗個昂貴既離境稅,大約平$ 1,000 左右。
3. 歐洲既內陸廉航非常多,包括Ryanair、easyJet、Flybe、Niki、Germanwings、Vueling、Norwegian等等,所以如果想去啲二三線航點,或者甚至係歐遊既,可以選擇以米蘭、羅馬、馬德里呢啲機場稅比較平既航點作為起點及終點,中間就坐內陸廉航會平好多。

✈✈相關優惠✈✈

直飛花花世界!歐洲直航優惠!18412日前出發,來回阿姆斯特丹/巴黎$ 4,083 起 – 法國航空/KLM
https://flyday.hk/53259/
歐洲新航點!遊希臘歷史古城!181115日前出發,來回希臘塞薩洛尼基$ 2,980 – 卡塔爾航空
https://flyday.hk/53424

其他平飛攻略:
日本:https://flyday.hk/22804/
韓國:https://flyday.hk/23182/
台灣:https://flyday.hk/23490/
東南亞:https://flyday.hk/23881/
澳洲:https://flyday.hk/24189/

europe flight

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App