香港旅遊優惠情報TG Group



登~登!新一年平飛攻略增加咗美加機票全分析喇!上一年美加航點價錢都跌到去2字頭,等同日本票價咁滯!而且港航加入長線後,競爭仲愈黎愈激烈添!想知到底美加機票幾錢先值得入手去?等小編將最低價同入手價逐一話你地知啦!

最後更新:2018年1月5日

注:以下所提及的價錢為來回連稅價錢,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

__________美國__________
三藩市:

先講直航價錢,今年香港航空非常積極開設新航線,包括三藩市及洛杉磯兩大美國航點。係上年港航十一歲優惠時,仲出咗個破底價夾大家飛,來回連稅只係$ 2,816!簡直稱霸最抵直航價!仲要令到國泰都忍唔住出手還擊大減,連稅價跌破三千,來回連稅洛杉磯/三藩市$ 2,760。從來都無見國泰減到咁瘋狂,連fanfares都做唔到呢個價,宜家仲係賣緊連稅$ 2,998!聯合航空同新加坡航空直航價都算唔錯,最低價分別$ 2,880同$ 3,420、入手價$ 4,000同$ 4,500。不過論性價比同服務質素,小編就會選擇新航囉~

轉機方面,加拿大航空同美國航空都出現最低價$ 2,440及$ 2,528、 如果以服務小編都建議加航首選先!另外仲有冷門嘅長榮航空同韓亞航空,大家可以揀轉機時間長嘅航班,咁都可以黎返個快閃一日台北或首爾啦!

洛杉磯:

第二個直航航點介紹 – 洛杉磯,港航同國泰最低直航價錢同三藩市一樣,可以參考番上面詳情!而美國航空係上年最低價係$ 2,853、入手價預$ 4,500左右。

轉機嘅航空公司就有加拿大航空、聯合航空、ANA全日空航空、達美航空、中國東方航空。如果以服務小編會先選擇ANA全日空航空同加拿大航空,不過兩間就唔係成日優惠。達美航空曾經出過一個漏洞價連稅$ 1,762,完全係日本價飛美國!不過幾個鍾後就拜拜!唔知fans有無搶到呢!另外聯合航空嘅美國優惠就不定時咁出,上年平均出咗6至7次優惠,但唔係成日都有洛杉磯平飛,入手價預$ 3,500-$ 4,500。而中國東方航空就…俾大家多個價錢參考下啦~

西雅圖:

西雅圖只有達美航空獨家有直航,來回連稅最低價為$ 2,988、入手價為$ 4,000、大概一季先出一次優惠。

美國航空好似達美航空一樣,都係年頭出過一次漏洞票價,”史上最平飛美國!漏洞價美國航空來回西雅圖連稅只需$ 1,983″!個優惠同樣一閃即逝,同日本票價睇齊,不過之後未見正常優惠價!上年加拿大航空都加入美國線減價戰,令到一眾美帝航空都頂唔住,最低價試過$ 2,965,打低聯合航空最低價$ 3,151。而長榮同韓亞一票兩地最低價$ 3,500至$ 4,000,入手價預$ 4,100左右。

紐約:

芝加哥:

直航紐約同芝加哥價錢一向稍高,而上年聯合航空做過紐約優惠,呢個最低價係聖誕出發連稅只係$ 3,649!就算上年風評一般,但呢個價飛去Times Square聖誕倒數真係無得頂!另外聯合飛芝加哥最低價$ 4,106,入手預$ 5,000!國泰兩個直航價都好進取,不過就要補下fanfares就要呢個最低價錢,平時入手價預$ 5,500。

先講紐約轉機價,上年加航又係打低其他對手,來回連稅最低$ 3,202,入手價$ 4,500左右。達美航空、美國航空、中國東方航空最低價都係約$ 3,300。而兩間日本airline ANA同日本航空都分別推出過優惠,雖然唔可以中停東京,但可以加少少錢或揀轉機時間長嘅航班,夠快閃半日/一日東京啦!

轉機來回芝加哥分別有美國航空、長榮航空、達美航空同ANA全日空航空,美國同長榮航空最低價係四千蚊內,不是長榮話哂都係Skytrax 5星航空,而且台北至芝加哥仲係坐Hello Kitty星空機,正呀!達美同ANA入手價就預$ 4,500至$ 5,000。

阿拉斯加:

如果想睇極光,其實飛去阿拉斯加都係其中一個好選擇,平時轉機去點都要差唔多成五千幾蚊,不過達美航空分別出過2個優惠,最低價都係$ 3,788,仲要食正北極光最佳時間,真係幫實現睇極光人生夢想!好似睇完仲會咩願望都會成真添!可以睇番以下2個優惠詳情參考:

首次賣到咁平!連稅三千八追北極光!10月至11月出發,達美航空來回阿拉斯加費爾班克斯$ 2,600
追北極光平飛!12月31日前出發,達美航空來回阿拉斯加安哥拉冶只需$ 3,960

達拉斯:
雖然美國航空有直航飛去達拉斯,不過係上一年未見有優惠抵價,不過加航就有出優惠搶客,轉機最低價為$ 3,123,入手價預$ 6,000。

__________加拿大__________

溫哥華:

基本上宜家想平飛溫哥華,其實都唔使考慮轉機!可以直接坐三間直航航空 (香港航空、加拿大航空、國泰航空)!自從港航開通咗溫哥華航線,減價戰久唔久就會發生一次,直至2018年頭都仲未完!而港航一直穩坐平霸寶座,最抵果次賣到連稅2,884,仲平過套北海道機票,而且平價唔算罕有,基本上2至3個月就會出現一次,甚至更短!好似依家就做緊港航新年慶,來回溫哥華$ 2,550 (連稅$ 3,169)!至於另一間直航大佬加航,一反常態多次打破自己底價!由9月突然殺出個80周年慶減到連稅$ 3,094至到年尾出幾次優惠都賣緊連稅2千尾至3千頭,相比以前真係平咗千幾蚊,仲可以聖誕/跨年出發!國泰都唔弱,比以前平咗多多聲,以往一般喺$ 4,800至$ 5,500!宜家一野跌到最平連稅$ 3,117,呢個優惠仲要loop咗幾轉!宜家佢隻來回溫哥華宜家賣緊$ 2,067 (連稅$ 3,367)。

至於2間轉機航空 (長榮、達美),如非賣平過連稅$ 2,800或想一次過玩哂兩個地方,否則都係揀坐直航好過!如果真係坐唔慣超長途機,小編建議揀長榮,一來性價比較高,二來轉機時間短同直航差唔多,三來達美需要美國簽證先可以轉機,最後條數都係一樣!


多倫多長期處於高位,直航減到盡都要連稅五千頭,仲要唔係成日出優惠!不過如果唔介意坐中/美航空,中國東方航空同達美航空都曾經試過減到3千頭,係所有探親者們嘅平價之選呀!

黃刀鎮一直以黎都賣到勁貴,全因加航嘅內陸機長期唔憂做,就算溫哥華來回黃刀鎮最平都要連稅千九,仲要唔包行李呀!而上年加航首次推出由香港來回黃刀鎮嘅優惠 (全程包哂行李),最低價都係$ 4,902!果度一年大約240日都見到極光,尤其12月至4月係觀賞黃金時間,所以極易睇到極光架!

小結﹕
雖然仲有其他航點如休斯敦、奧蘭多、拉斯維加斯等等,但香港仲未有直航所以就唔詳盡介紹喇。而今年9月中國泰會開辦直航華盛頓線、來回$ 4,000 (連稅$ 4,962),如果再有更抵價先再同大家推介啦!上年港航逼到國泰還擊,齊齊跌破三千,仲要平過一眾轉機價錢,睇黎18年都係會一輪血雨腥風減價戰啦!

小貼士
1. 留意港航港航港航優惠!好重要所以要講三次!好似新年慶、周年慶呢啲優惠一定最抵!
2. 小編相信係今年,美國直航價錢應該都會係二千尾至三千頭呢個水平,大家可以留意幾間直航airline如國泰、達美、美國同聯合航空優惠。
3. 另外想以平價轉機去美國,除咗美帝航空外,坐加航、韓亞或長榮都係唔錯選擇!

其他平飛攻略:
日本:https://flyday.hk/22804/
韓國:https://flyday.hk/23182/
台灣:https://flyday.hk/23490/
東南亞:https://flyday.hk/23881/
澳洲:https://flyday.hk/24189/
歐洲:https://flyday.hk/24418/

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App