香港旅遊優惠情報TG Group



「$ 1,500來回東京平唔平呀?」、「$ 2,000大阪買唔買得過呀?」小編每日都收到呢一啲問題,作為香港人最愛嘅朝聖地,選擇梗係多喇!小編岩岩更新左個日本機票全分析,話俾你知日本機票幾錢先係入手價啦!

最後更新日期:2018年1月3日

注:以下所提及的價錢為來回連稅價錢,及未包廉航寄艙行李費,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

東京:

先講傳統航空公司,香港航空成日劈價,東京曾經最平賣到連稅一千鬆啲就有,包埋20KG 行李同餐,遠遠平過其他傳統航空,真心無得輸!而本身係第二平價嘅埃塞俄比亞航空今年六月就停航喇,以後紅日就好難再搵到平飛!國泰以前就只有Fanfares 會一個月見一次優惠 (仲有未必一定有日本線優惠),價錢都長期高企,不過近排都有時會有優惠,要搵到大約$ 2,800既平飛都唔難,仲要時間係靚既添;而ANA同埋日本航空今年都進取咗好多,平均一至兩個月就出優惠,連稅價錢大約$ 2,600,有2件23KG 行李,仲可以早去晚返,絕對抵買!

廉航方面,HK Express 勝在優惠夠多,基本上每星期都會出細優惠,而每一至二個月就會出mega sale!今年有mega sale 做過單程$ 8,最平連稅唔駛五百就訂到!而且東京線勝在航班夠多好易搶平飛,可以揀飛成田或羽田機場,但想買靚時間平飛起碼半年前買先有;Jetstar 比較少出優惠,大概一至二個月出一次,但三月佢地會改航班時間確實麻麻,變成凌晨機去晚機返,一般入手價預$ 1,100 左右;最後就係香草航空,小編覺得佢服務唔錯,航空時間又最靚可以凌晨機去晚機返,優惠方面都出得好密!今年出咗二十次,大約一個月一至兩次!不過寄艙行李收費就貴啲,20KG每程收$ 305,一般優惠價為$ 1,000至$ 1,100到。

大阪:

同樣地香港航空嘅大阪線都好多優惠,最平試過連稅一千一,仲可以凌晨機去晚機返,唔洗諗咁多一定係揀佢!印度航空雖然都有早去午返,不過價錢無咩競爭力,叫做多個平價優惠選擇下。大阪係國泰Fanfares 嘅出現率係一個月一次,價錢大約由$ 2,600至$ 2,800 不等,但呢排都多咗好多優惠,仲要係靚時間添!見到$ 2,800都可以入手;ANA 雖然有2件23KG 行李,但係航班時間係午去早返,咁就無咗兩日啦。

三間廉航之中,HK Express 經常有優惠,$ 1,000 左右即可入手;樂桃雖然可以凌晨機去晚機返玩盡每一日,不過宜家啲優惠都好少賣凌晨機去晚機返平飛,所以大家可能要俾多少少錢先訂到靚時間,話個小貼士俾大家,樂桃會分別推出香港去程同日本回程優惠平飛,只要識得分開預訂,會比一次過買來回會平少少架;而Jetstar 三月都會變成晚機去晚機返,今年優惠出得好密,一個月一至兩次,入手價約$ 1,100。

名古屋/福岡:

名古屋同福岡間唔中係國泰/港龍Fanfares 都會出現,彈性出發日子就可以留意下,優惠價大約$ 2,600左右,以獨家又靚時間既直航傳統航空黎講係幾抵;ANA 飛名古屋時間就唔太靚,要午去早返同大阪一樣都好難落手買;或者可以考慮搭長榮/華航轉機去,雖然價錢大約$ 2,100至$ 2,500 唔算吸引,但可以一票兩地玩埋台北,貪玩fans就岩哂,小編會再係下面介紹番航點價錢!

不過如果唔介意坐廉航,廉航嘅價錢真係差好遠!HK Express 早去午返/午去晚返時間幾靚,今年mega sale最平來回福岡連稅$ 343,名古屋$ 469,但通常平飛唔多,比較難搶,入手價小編認為係$ 1,100。

沖繩:

港航之前最平試過連稅九百有找,超級平!入手價錢預計約$ 1,500;另外除非有港龍情意結,如果唔係其實可以直接忽略。原本去沖繩仲有樂桃航空,不過上年十月已經停航,大家又少左個選擇喇!

廣島/石垣島/高松:

來回廣島嘅直航機得番HK Express,同石垣島/高松價錢一樣。今年最平唔駛$ 300就有交易,好癲價!入手價一千蚊左右,以獨市嚟講真係算係良心價!

鹿兒島:

香港航空同HK Express分別都有直航機,一個就傳統航空包哂行李同餐,一個唔包但夠哂平,等你地fans自己揀啦。

米子、宮崎、岡山:

香港航空之前開咗九州既宮崎,時間都唔錯,早去傍晚返,今年仲新增山陰地方嘅米子,同埋大阪附近既岡山,依三個地方都係港航獨市!三個地方最平都係$ 1100左右,入手價大約係$ 1,600。

北海道札幌:

直航機只有國泰同港航,但國泰個價分分鐘貴過去歐洲,仲要等fanfares先見優惠價,所以可以直接無視等港航啦!今年港航最平賣到$ 2,200到就有交易,平時優惠就連稅約三千至三千五到價位,直航黎講都算好抵架啦!

另外想再平啲可以考慮坐廉航去東京/大阪轉內陸機,日本內陸廉航有Jetstar / 香草/ 樂桃,經常有減價,撞正優惠4程機加埋入手價預$ 2,500左右。

長榮/中華航空 (一票兩地,經台北/高雄轉機)

如果貪玩嘅fans想一票兩地玩埋台北,咁可以留意下長榮/華航轉機優惠!大概三至六個月先會有優惠,價錢算係可接受,而且又可以停台北/高雄玩,性價比算唔錯,入手價預$ 2,500。

**結論**:
– 想平坐傳統航空有三個方法:(1) 捕實港航不定期優惠唔使諗即買,千零蚊包行李包餐飲真心無得輸 (2) 靠運博Fanfares,中獎率極低 (3) 提早半年捕實ANA/日航/國泰減價。

– 三間廉航比較之下,小編建議可以揀HK Express,HK Express基本上每星期都有減價,或者等佢大約一至二個月左右出一次全線mega sale,通常會賣勁早鳥出發嘅機票,最平來回連稅二百幾就有交易,但記得要同時買埋行李,因為後加就會貴唔少架!捉大家好運搶到!而除左多優惠之外,佢航班時間都有好多選擇!買樂桃航空嘅話,可以留意下,樂桃通常會分開去/回程優惠,即係出咗香港出發優惠之後,之後會再出日本出發優惠 (或者調轉出左日本優惠先),如果分開兩程買,比起一次過買香港來回日本再平約$ 100至$ 200。(當然前提係兩程都要買到減價飛啦…哈哈哈)

記住:買廉航一定要撞正有優惠先買!同埋廉航可買單程,比較下唔同價錢,自制兩張單程夾埋來回可能仲平時間仲靚,甚至可以不同城市來回!

至於公眾假期旺季?sorry…9成9都無平…所以各位fans見到個價可以就訂喇!

其他平飛攻略:
韓國:https://flyday.hk/23182
台灣:https://flyday.hk/23490
東南亞:https://flyday.hk/23881
澳洲:https://flyday.hk/24189
歐洲:https://flyday.hk/24418

jp flight ticket

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App