搭長途機免不了要轉機，原來有唔少航空公司都有唔同嘅轉機福利，有免費酒店、市區導賞團、機場消費現金券等，大家可以善用時間玩盡大世界啊！小編搵咗五間航空公司嘅轉機優惠俾大家：新加坡航空、土耳其航空、阿聯酋航空、卡塔爾航空、阿提哈德航空！想知有咩著數？記得碌埋落去睇下喇！
新加坡航空
免費City tour：
如果轉機時間超過5個半鐘，所有艙等都可以參加免費市區導賞團，仲有兩種唔同嘅旅遊路線可以選擇：文化之旅去魚尾獅、牛車水、蘇丹回教堂，同埋城市夜光之旅去摩天觀景輪、Garden by the bay等等，時間大約二個半鐘！
機場消費現金券：
只要持有新航來回機票，並於新加坡轉機嘅乘客，就可以免費換取S$ 20(約HK$ 115)的樟宜機場消費現金券，大部分機場商店都岩用！買斑蘭蛋糕一流！
(From unsplash)
土耳其航空
免費City tour：
只要係土耳其航空國際線乘客，而轉機時間在六至二十四小時之內即可申請免費city tour！仲唔使提前申請，到土耳其機場之後，喺入境大廳Hotel Deck報名就得！每一日都有好多時間選擇架！
免費酒店：
如果需要係機場過夜，都可以申請免費酒店，一樣到達時去入境大廳Hotel Deck申請！建議大家提前確認自己張機場係咪合資格享受免費酒店！
P.S: 兩項福利唔可以同時使用
阿聯酋航空
免費酒店+餐飲+交通+簽證：
需要等候 6 至 24 小時的轉機時間嘅頭等艙和商務艙乘客，同埋 8 至 24 小時轉機時間嘅經濟艙乘客 (*必須無更早嘅接駁航班，即係如果本身可以揀三個鐘轉機，但自己揀咗9個鐘後轉機，就無法享用呢個福利。) 可以提早24個鐘或之前預訂呢項免費轉機福利！詳情：https://www.emirates.com
免費接駁巴士：
呢個應該真係好多人唔知，阿聯酋航空提供唔同城市嘅免費巴士服務，地點包括阿拉伯聯合大公國、日本、美國及加拿大，有經濟艙機票就用得！好似阿布達比來回杜拜、名古屋來回關西機場、西雅圖機場來回溫哥華酒店等等！超正！記得早48個鐘預訂！詳情：https://www.emirates.com
卡塔爾航空
免費酒店+餐飲+交通：
喺多哈轉機，非往返科威特或馬斯喀特嘅航班，而轉機時間喺 8 至 24 個鐘之內 (無其他更早航班) ，就有機會申請到呢項福利！不過卡塔爾航空呢方面比較唔透明，要大家提前聯絡航空公司，先知張飛可唔可以享受到呢個優惠！詳情：https://www.qatarairways.com/
阿提哈德航空
免費兩晚酒店：
大家只要喺Etihad官網預訂中停阿布扎比嘅機票，就可以喺轉機期間享受兩晚免費酒店，小編睇過啲酒店真心ok架！
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
按此搜尋最優惠酒店 按此搜尋最優惠航班 按此搜尋行程套票
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
按此搜尋最優惠酒店 按此搜尋最優惠航班 按此搜尋行程套票
返回首頁
香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用.
按以下按鈕下載我們全新版本APP版
