香港旅遊優惠情報TG Group

國泰推出全新亞洲機票組合優惠,等大家自由搭配兩次行程!20年3月31日前出發,可以任揀曼谷/首爾/台北/上海其中兩個航點,亦可以揀同一個航點飛兩次。優惠票價:(台北$ 810,連稅$ 1,458)、(上海$ 810,連稅$ 1,431)、(曼谷$ 1,090,連稅$ 1,818)、(首爾$ 1,220,連稅$ 1,924),票價仲包埋30KG行李!優惠需要預訂2程來回組合,以曼谷為例,香港出發來回兩次只需$ 2,180起 (連稅$ 3,636),咁嚟緊11月中就可以感受下泰國嘅全國性節慶-水燈節,2月仲可以再飛多轉,睇埋泰式櫻花喇!


【出發日期】
9月16日至26日,9月29日至10月3日,10月6日至12月18日,12月29日至2020年1月20日,1月30日至3月31日 (曼谷、首爾)
9月18日至12月20日,12月27日至2020年1月22日,1月29日至3月28日 (上海)
9月16日至27日,9月30日至10月3日,10月6日至12月20日,12月27日至2020年1月22日,1月28日至3月31日 (台北)

【訂飛日期】
即日起至19年10月16日

【停留期限】
2至7日

【訂飛網址】
國泰航空官網


只要經國泰航空官網就可以自由搭配兩程亞洲機票組合,自問好似小編一樣係泰trip精,成日都去曼谷?你可以好似以下例子咁,一次過預訂晒2次出發日期!

出發日期分別係11月9日至16日及2月15日至21日,來回曼谷兩次連稅$ 3,636。

留意首爾及上海有航班限制:
首爾 – 香港往首爾不適用於 CX410、首爾往香港不適用於 CX411。
上海 (虹橋及浦東) – 香港往上海不適用於星期一、星期二及星期日之航班、上海往香港不適用於星期四及星期五之航班。

11月曼谷水燈節 全國燈火點亮嘅美景
每年泰國都有一個全國性節日就係水燈節,今年11月13日係曼谷昭披耶河及清邁舉行。係節慶期間,全國各地無論係水邊定天邊都睇到燈火點亮嘅美景。位於曼谷昭披耶河兩岸嘅佩雲寺同臥佛寺仲會有夜間市集,可以一嚐當地美食同感受節慶氣氛!

2月櫻花季 佛統府農業大學校區賞泰式櫻花
「 泰式櫻花 」你又睇過未呢?其實泰式櫻花嘅真正名字係「紅花風鈴木」,花期約為二月下旬至四月上旬,風鈴木花苞又大又粉紅,比日本/韓國嘅櫻花更大。係佛統府農業大學校區嘅紅花風鈴木最出名亦最盛大,仲有條兩公里長嘅粉紅色隧道俾大家打卡添!

曼谷新商場 The Market Bangkok
曼谷啲商場真係開完一座又一座,之前係BTS Chit Lom站附近就有The Market Bangkok!位置鄰近Big C超市,大家可以沿住新天橋由Central World行過去,要知道曼谷嘅地面交通真係好繁忙無可能過到㗎!商場仲引入泰國不同特色市集商品,仲整咗個Chatuchak商品區,售賣100多家翟道翟市集中嘅人氣商品,咁以後平日去曼谷,都唔怕去唔到翟道翟shopping啦!

圖片來源:themarketbangkok@IG

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App