香港旅遊優惠情報TG Group

有幾日時間,又唔想下下快閃日韓台玩到盡一盡,想享受一個真真正正嘅假期?咁不如揀返個岩style嘅度假村,俾自己同埋屋企人盡情放鬆下!今次小編就趁有四日時間快閃桂林,兼且入住Club Med桂林度假村。度假村主打一價全包住宿、餐飲、同埋度假村內活動,聽落已經好吸引!小編仲報咗個一日遊出去玩,體驗採茶同埋灕江游船河添!一齊睇下小編分享喇!

一日遊路線

桂林山水甲天下,難得去到當地,就梗係要好好欣賞下湖光山色!

桂林啲山全部都細細座,而且尖尖地咁,好可愛。

終於到咗第一站 – 位於陽朔的七仙峰茶園 。茶園面積達一千六百畝,茶樹依山生長,形成了特別嘅茶梯田,景色錯落有致。在觀景台上面睇,風景真係好靚!

以前細細個睇「茶是故鄉濃」睇得多,估唔到自己都有機會試做一個鐘嘅採茶姑娘!喺入口處,拎齊遮陽帽同埋收集茶葉嘅竹籃之後,就係大家大顯身手嘅時候。職員會首先示範一次點樣採茶,瞄準最嫩嘅茶葉一摘而下,想摘得快都幾有技巧!

採完茶之後,仲可以即場去茶園餐廳享用茶宴。每道菜都以茶入饌,有茶香漓江蝦、茶葉煎蛋、七仙峰鍋荀、茶香芝麻排骨等,食落去啖啖茶香,唔好講笑都幾好食!小編特別推介七仙峰特色茶香雞,雞肉嫩滑,而且夠晒入味,得呢間茶園餐廳先食到架!

食緊飯嘅時候,師傅就幫我地即席炒茶,原來都要炒成四十分鐘,少啲心機都唔得!

飲飽食足之後,就係時候再活動下喇!第二站係去漓江坐竹筏游船河。

漓江發源於華南第一高峰貓耳山,全長四百幾公里,以桂林至陽朔流域風景最美,有「百里漓江,百里畫廊」嘅美譽。

漓江兩岸山峰嘅形態萬千,安坐係竹筏上都已經目不瑕給。

面值二十蚊嘅人民幣都係取材自漓江,睇下你夠唔夠眼力搵到個取景地喇!(其實去到一望就會望到XD)

 

住宿

小編今次入住嘅 Club Med桂林度假村,係亞洲第一間精緻全包式自然山水度假村,吃喝玩樂都有專人打理,去到真係可以咩都唔使諗,專心享受就得,真係歎到小編唔捨得走啊!

(From官網)

今次小編入住Deluxe Room with Balcony,空間超級大,三個人住開多幾個gip都唔會迫。房間以桂林嘅奇山異石為背景,藝術感十足!仲另外隔開咗梳妝空間同埋浴室,非常有空間感,而且設備齊全,所有洗刷用品分門別類仔細放好,又準備咗樽裝水俾住客洗刷,由細節位可以睇得到用心。

度假村用手帶取代傳統嘅鎖匙同埋房卡,就咁伸手嘟一嘟就開到門,就算游水同埋沖涼都唔使除落嚟,超級方便,岩晒大頭蝦嘅小編。

 

餐飲

度假村內有四間餐廳,供應自助餐、西餐、麵食、同埋主題晚餐,選擇都幾多,唔使怕悶之餘仲可以隨心情轉換口味!

Atelier主餐廳提供早午晚嘅各國餐點buffet,菜色多達幾十款,中式、日式、地中海菜應有盡有。

景觀一流。

在主餐廳出面嘅Atelier酒吧亦都由早到晚供應飲品同埋小食,紅白酒、cocktail任飲,可以隨時嚟chill返下。

想食蒙古烤肉同埋一人火鍋又得! @屋頂花園餐廳

鍾意食西餐嘅朋友,一定要提早預約蓮花餐廳,個牛排都幾有水準。

嚟到桂林,當然就不能錯過正宗嘅桂林米粉喇!桂林米粉口感比較彈牙,配上配菜同埋醬料,風味十足,小編日日都食至少一碗!

 

度假村活動

喺度假村內可以享用各種活動,包括游水、登山自行車、瑜珈、射箭、攀岩、高爾夫球等,想挑戰自己就要試下戶外攀岩,真係成座山俾你攀!另外仲有林林總總嘅表演同埋室內活動,多到令人唔知玩邊樣好!

好似係Atelier活動區就可以一次過玩攀岩、射箭、VR Game等,小編第一次試玩VR Game,好似真係進入咗個新世界咁,好有趣。

瑜咖課室經過特別設計,在星空背景下,一邊聽住柔和嘅音樂,一邊做瑜咖,都幾放鬆架!

小編亦報咗登山自行車,初級班路線為大約45分鐘平路,小朋友都可以應付到。教練略作講解後,就會帶我地踏出度假村,沿路風景真係好特別!

小編極度建議大家自費去做個靚Spa,因為真係超舒服,環境稱得上輕奢華,世界級享受!

度假村內有Mini Club,可以俾家長託管小朋友。Club內按年齡分開小朋友,安排最適合佢地嘅活動,好似踏單車、游水、踢波等,仲可以一嘗耕種嘅樂趣,爸爸媽媽們可以安心放低小朋友真真正正放鬆下!

交通

香港去桂林可以坐飛機或高鐵直達,今次小編就體驗咗岩岩開通嘅高鐵,由西九龍出發,大約三個鐘就去到桂林喇!都幾方便!帶住老人家同埋小朋友嘅話好值得考慮。度假村距離高鐵站都幾遠架,建議大家同度假村預訂埋接駁交通,咁就可以預備心情輕輕鬆鬆去玩喇!

Club Med桂林度假村簡介

Club Med桂林度假村為亞洲首座精緻全包式自然山水度假村,園區內擁有50座連綿的山嵐,並陳設多達百件的大型雕塑作品,完美結合自然美學與人工藝術。在壯麗嘅山林內,你可以帶著孩子體驗多種豐富的活動,如自然藝術創作、太極、瑜珈、攀岩與山林自行車等,與山水近距離接觸!度假村內並備有四座餐廳,由國際化自助餐美食、中西式單點料理、麵食吧台、蒙古烤肉都有,滿足有要求的你!

Club Med好多時都有驚喜套票優惠,好似宜家預訂五至六月入住桂林Club Med,2成人+2小童四日三夜住宿套票都係 $ 10,666起,圍返每人$ 2,600 起左右,真係好抵玩啊!

優惠詳情:https://www.clubmed.com.hk/r/Guilin/y

Club Med熱線電話:3111 9388

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App