唱外幣有咁多個方法,到底邊個抵啲?有咩注意事項?小編寫左個唱外幣攻略,一次過話你知!


方法一:【香港本地找換店】

如果係熱門外幣,係香港嘅找換店換都係一個好方法,匯率同銀行唔係差好遠,但要留意如果係冷門少少嘅外幣 (例如係俄羅斯盧布,越南盾之類),個匯差可能會大啲,或者甚至無得唱,要多啲比較下!

以下係幾間比較出名嘅外幣找換店俾大家參考~

牛記:http://www.nkcl.com.hk/change-ch.php

發達鳥:http://www.richbirdhk.com/

堅成:https://www.ksme.hk/index_hk.html

多福:https://www.dfexchange.com/

許氏:http://www.xushi-exchange.com/

找換店嘅官網已經有哂所有嘅換率俾大家參考架啦!

 

【壞處】找換店匯率唔算最好,而且要親身出去旺區,拎住一大疊銀紙,唔岩懶人。


方法二:【去銀行用TT – Rate 唱錢】

一般人大多選擇都去銀行用TT Rate 唱錢,貪夠近夠方便。

甚麼是 TT rate:T.T. 全名為 Telegraphic Transfer,意思即係電匯,係一間公司通過銀行(匯款行)將款項匯予(收款行)存入收款人帳戶(另一間公司或者自己公司於另一銀行既戶口都可能會),係付款的一種方法,總知就係比現鈔價平。

注意~其實唔同銀行嘅TT Rate 都要比較下,大銀行嘅Rate 一般都比較差,細銀行啲Rate 靚好多,前後可以爭成1-2%!記得要係個間銀行有綜合戶口先可以用TT Rate 唱錢架!

如果有相關銀行嘅高級戶口,仲有點子優惠

建議用呢個網:https://hk.ttrate.com/zh_hk/ 去比較唔同銀行嘅TT 匯率,一眼睇哂,方便好多!

 

【壞處】銀行有時好多人…….仲要一定要有個間銀行嘅綜合戶口先可以用TT Rate。記得落分行前問下有無外幣現鈔呀,排左咁耐隊之後先發覺無得唱真係會想打人。


方法三:【當地櫃員機禁錢】

如果唔想係香港特登唱定,其實可以拎住張銀聯/Plus/Cirrus/Maestro 嘅提款卡去到當地有相對應 Logo嘅櫃員機到撳,好處係唔使係香港專登搞多樣野,同埋手續費唔算貴,一般每次$ 15-25一次,岩哂懶人。

要注意:
– 有啲國家根本極少 (甚至無) 銀聯機,例如小編有次去Manchester,試過行左大半個市中心都搵唔到一部銀聯機…..好崩潰。
– 有時櫃員機明明有銀聯標誌但係唔知點解又撳唔到錢 (古惑的櫃員機~~~)
– 記得要開通提款卡嘅海外提款功能!!!!(很重要)
– 有啲櫃員機嘅每次提款上限比較少,結果要$ 20手續費->$ 20手續費->$ 20手續費,逐次咁樣蝕。
– 有啲櫃員機好古惑,除左銀行嘅手續費之外,會再額外收取一個櫃員機手續費,記得要睇清楚先好撳呀!

 

【壞處】如果去冷門地方而當地真係無銀聯機嘅話,其實係無得救……..而且銀聯嘅匯率無TT rate /香港找換店咁好。


方法四:拎美金/歐羅去當地找換店換 (只限冷門國家)

有啲外幣係香港極少找換店/銀行有得唱,又或者個匯率好差。咁嘅情況底下就要拎美金/歐羅去當地唱啦,例如越南/印尼/俄羅斯/土耳其/阿聯酋等等,無其他選擇啦~


方法五:係香港機場/當地機場唱

係人都知,其實係機場唱係超級唔抵…..千其唔好做傻事呀!

例如香港機場嘅找換店 Travelex 咁,即使係預約嘅匯率已經係0.0739,貴過其他一般嘅銀行/找換店0.071-0.072 好多!如果唔預約直接衝去櫃台唱嘅話, 個Rate 係可以差到你唔信。


結論:

想要最抵最平既方法,其實香港找換店以及細銀行既TT rate 都係差唔多。懶少少既話,去外國再禁機都可以,相差都係唔多,記得留意上述既注意事項呀。但係香港機場找換店?不了。

小編心水:有啲地方嘅當地找換店其實個Rate 幾靚,例如係泰國嘅Super Rich/Value Plus,又或者首爾嘅一品香/大信/大使館前等等,依小編打post 之日黎做參考,當大部分嘅香港銀行/找換店嘅泰幣匯率都係最多3.80 嘅時侯,Super Rich 有3.85! 

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

下載:hkDate 免費香港交友APP,認真交友,尋找穩定關係及結婚對象( Android + IOS)



[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App