好多人去短線遊,首選一定會揀近近地嘅東南亞,最緊要夠平靚正嘛!特別係依家東南亞航線越開越多,越出越平!成日心思思想買機票又唔知點先叫平?唔使再inbox小編喇,小編宜家就直接話你知泰國、馬來西亞、印尼、新加坡、越南同柬埔寨唔同城市嘅機票最低價、入手價、正常價,一次過哂冷俾你睇!

最後更新:2017年12月28日

注:以下所提及的價錢為來回連稅價錢,及未包廉航寄艙行李費,以淡季作標準。價錢及建議是小編個人之經驗,只作參考用途。

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

泰國:

曼谷

曼谷依個旅遊熱點,需求很大,競爭更大,所以價錢一向唔貴。雖然今年已經無左肯亞同埋斯里蘭卡航空,但想平仍然有選擇!傳統航空方面梗係睇港航喇,最平連稅$ 800幾就有交易,但依個價年頭出完都未再見,而家一般都賣緊$ 1,100-$ 1,300,尚算可以接受。想放工出發直接去機場的話就留意阿聯酋航空同皇家約旦航空喇,航班時間多數係晚去午返,岩哂返工一族!優惠價錢大約$ 1,200 左右。

至於龍頭大佬泰航同國泰,小編建議揀泰航,而家優惠價錢平國泰幾百蚊,亦可以入手到早去晚返航班。而國泰就長期連稅都要$ 1,800,小編認為真係唔駛考慮….

至於廉航只有AirAsia,一般要等Big sale先叫抵買,不過最近都好少出到好平,不過小編唔鍾意佢飛舊機場,又細又無咩商店行!

布吉

港龍布吉線長期企硬唔減,依一年都無出過優惠價,除咗等每個星期fanfares放飛外,平時都要$ 2,400以上;泰航一時時有優惠,連稅二千頭到就可以入手喇。

廉航AirAsia 同曼谷一樣,得Big Sale 先叫抵買,航班時間晚去午返。HK Express 平就真係平,但係航班時間來回都係凌晨機唔係人人頂到。相比起曼谷黎講,布吉嘅優惠比較搶手,平飛亦比較少,就算廉航都建議早半年留意定。

清邁

由於港龍飛清邁實在太貴,依一年都無出過優惠,所以建議都係留意返廉航AirAsia及HK Express,兩者都經常減價,不過airasia都好少出到好平喇,入手價預$ 900。留意返AirAsia係早去早返、HK Express係午去晚返,所以建議大家去程買AirAsia,回程買HK Express,咁就可以自製早去晚返啦!

蘇梅


去蘇梅的話直航就只有曼谷航空獨市,價錢一直高企,特價都要$ 3,000。真係想去又想平飛既話,可以先搭AirAsia去曼谷,然後直接喺同一個機場坐AirAsia去Surat Thani再搭船去蘇梅會平好多。

清萊

清萊只有HK Express執飛,航班時間唔錯可早去晚返,而且每星期有做優惠,放心,平飛通常有勁多!如果唔心急就梗係等mega sale搶飛,而平時入手價都只係預$ 700到。
————————————————————————————–
馬來西亞:

沙巴

沙巴直航有港龍及廉航Airasia,不過港龍極少有優惠,要等每個星期二fanfares 有先機會!入手價預$ 1,800左右;而AirAsia就真係要等佢big sale,不過平時$ 800都值得入手。

吉隆坡

吉隆坡直航既傳統航空有馬印同港龍航空。港龍航空近依年都無點出過優惠,最平都要成$ 1,600。至於馬印航空雖然唔太出名,但佢價錢平得來,係暑假出發都係差唔多價錢,而且亦包行李包餐飲,不過航班時間一般。而廉航Airasia 長期都賣緊約$ 900-$ 1,000左右,有時big sale六百幾都有,不過要預早好多買。另外,其實都仲有馬航既,不過就唔介紹啦。
————————————————————————————–
新加坡:

新加坡其實一直都唔算貴,而且傳統航空同埋廉航價錢上相對唔係差太遠!建議可以多啲留意新航,新航逢星期四五有個ILoveSQ優惠,最平連稅唔使一千二咋,記得每個星期留意住!而且連暑假都有平,記住早幾個月買先買到靚時間呀!國泰就要等fanfares先有優惠,如果真係要坐國泰,見到$ 1,500至$ 1,600呢啲位已經可以入手喇!

至於廉航,Jetstar大概1個月會出一次優惠,一般優惠價為來回連稅$ 700-$ 800。而自從Scoot同埋Tigerair 合併左之後,Scoot來回新加坡嘅班次多咗選擇,而Jetstar時間就一般般。不過因為廉航可以單程咁買,所以可以一程坐Scoot,一程坐Jetstar,就岩晒自己時間!

————————————————————————————–
印尼:

峇里

印尼嘅熱門航點當然係峇里!分別有3間傳統航空可以直航飛去,不過近期嘉魯達印尼航空無咩出優惠,入手價預$ 2,000左右;而香港航空出優惠果時真係超平!試過連稅都唔洗$ 1,700,而港龍個價就一直高企,最平都要$ 2,300!如果唔介意轉機,最抵玩就梗係新航喇!包晒所有野連埋優質服務都係$ 1,400至$ 1,600!至於scoot,不提也罷喇!
————————————————————————————–
越南:

胡志明市

河內

香港飛越南嘅直航航點有4個,包括胡志明市、河內、峴港同芽莊。

胡志明市同河內線不停有減價戰。傳統航空分別有國泰、港龍、越南、香港航空,要數最抵港航真係無得輸!最平連稅唔使$ 900,包行李喎!而東道主越南航空都長期有優惠,每1至2個月一次入手好容易!國泰同港龍呢..減極都要$ 1,300,都基本上可以唔使睇。

而廉航有Jetstar同越捷航空Vietjet (胡志明市),先講越捷上年開航積極推$ 0機票,就算而家都成日有,平時入手預$ 700;Jetstar就每1至2個月有優惠,入手價約$ 800,不過呢兩間航空公司嘅航班時間都係麻麻地既,同樣係晚去下午返。

依幾間航空比較,小編比較推介港航同埋越南航空,河內嘅話兩間航空公司時間都係差唔多,不過如果係胡志明市就一定揀返越南航空,港航來回都係凌晨機,時間超差!

芽莊

峴港

峴港如果要坐港龍航空最平fanfares 價都要一千尾,所以可以放棄直接等廉航Jetstar同HK Express優惠啦!HK Express班次都幾多,而Jetstar就係下午去上午返!入手價都係$ 800到;而芽莊就係HK Express獨市,最平$ 476,入手價為$ 700。HK Express 每星期至少有一次優惠,而每一兩個月有一次Mega Sale。
————————————————————————————–
柬埔寨

暹粒

小編記得好幾年前暹粒得港龍獨航,個價一直企到超硬!近一年平左好多,一千尾已經有交易,不過講平,就一定係坐HK Express飛暹粒啦!

**結論:
1. 好多東南亞航點傳統航空公司有長期優惠做緊(例如熱門既新加坡/曼谷/河內/胡志明市),可以唔使等直接買,新航嘅iLoveSQ 除外。
2. 廉航HK Express每星期有至少一次普通優惠,想博最平機票的話,就留意HK Express 每兩個月一次嘅Mega Sale,以及Airasia每季一次嘅Big Sale,大多數賣緊半年後出發既平飛,早啲約定朋友捕實啦!
3. 曼谷、新加坡、吉隆坡、越南呢啲航點係罕有地暑假都有平,如果暑假一家大細想去旅行可以考慮一下。
4. 東南亞既內陸廉航非常多,包括Lion air、Firefly、AirAsia、Jetstar、Scoot、Vietjet、Nok Air、Thai Smile等等,所以如果想去啲二三線航點又或者勁貴既直航航點,可以選擇坐廉航去到新加坡或吉隆坡駁機去。

其他平飛攻略:
日本:https://flyday.hk/22804/
韓國:https://flyday.hk/23182/
台灣:https://flyday.hk/23490/

asia flight-01

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

下載:hkDate 免費香港交友APP,認真交友,尋找穩定關係及結婚對象( Android + IOS)



[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App