香港瑞吉酒店St. Regis Hong Kong一向走高檔五星路線，以標誌性嘅專屬管家為主打！宜家香港瑞吉酒店仲有三個優惠，俾大家用平民價錢就享受到奢華享受！小編覺得最抵係「24 小時住宿體驗」優惠，每晚$ 3,000 起 (連服務費$ 3,300) 即保證升級尊貴豪華客房，包$ 1,000餐飲消費額、Virgin Canto Mary 雞尾酒兩杯、定制私人健身訓練等！另外仲有套房優惠，入住St Regis Suite 都係$ 3,563 (連服務費$ 3,919)咋！性價比好高！
【香港瑞吉酒店會員套房優惠】
St Regis有個性價比好高嘅套房優惠，入住St Regis Suite 只需$ 3,563 起 (連服務費$ 3,919 起)！小編見到好多日子都有平，價錢浮動喺房價$ 3,563 至$ 3,863左右！一樣都係好抵啊！不過留意返優惠房數比較少，要就即訂喇！
【預訂及入住日期】即日起至12月22日
【預訂網址】香港瑞吉酒店網站
【香港瑞吉酒店24 小時住宿體驗】
呢個優惠堅係抵，房價$ 3,000 起 (連服務費 $ 3,300 起) 就包咗$ 1,000餐飲消費額，免費升級去尊貴豪華客房同埋24小時入住體驗，仲有多項福利，比平時起碼平咗一半啊！
- 一晚香港瑞吉酒店尊貴豪華客房
- $ 1,000餐飲消費額
- 24 小時入住 (check in時計)
- Virgin Canto Mary 雞尾酒兩杯
- 定制私人健身訓練
- 免費泊車
【預訂及入住日期】即日起至12月30日
【預訂網址】香港瑞吉酒店網站
【小編入住報告】
St Regis 一直係小編好想住既酒店之一，但係平時面價要接近$ 3,000起，咁貴完全唔捨得住！但而家疫情下有個優惠，只要去萬豪旗下10間酒店餐廳食飯滿$ 500，即時獲該酒店半價住宿連早餐券！(詳情) ***政策隨時變，可以去之前打去同酒店確認一下。
【米芝蓮一星法菜】
今次小編就試左L’Envol，Lunch Set 3道菜每人$ 688，雖然只係三道菜，但已經飽到上心口，前菜必試大紅蝦，啲蝦膏濃郁到係口腔入面徘徊一段時間～主菜叫左鮟鱇魚，配鵝肝係出奇地夾！另外要留返少少肚試Petite Four，佢地會推架甜品車出黎，俾你任揀，好想每一舊都試下！
▼Menu
▼餐前麵包
▼大紅蝦，啲蝦膏濃郁到係口腔入面徘徊不散
▼Petite Four
點食都好，只要食夠$ 500 就有張半價券，可以即食即刻上房，亦可以兩個星期內使用。
【服務】
黎到St Regis 當然係講服務，佢地最出名就係管家Service，由入住一刻已經幫你打理好所有細節，Check in、Check out、訂枱食飯、沖茶沖咖啡、或者健身室預留位置等等，貼心得黎又唔做作，會感受到個種由心而發嘅服務。不過小編並唔係中意成日要求呢樣個樣既人，所有無用到太多呢個Service。
【房間】
今次小編預訂既係最普通既Deluxe Room，價錢係$ 2,950，半價即係$ 1,475 (未連加一)！由於係白金會員，被升一級至Corner Room (Grand Deluxe Room)，最高樓層！雖然係最高樓層，但係因為地理位置問題，其實都係無乜景睇…..想睇靚景既話去隔離個間Renaissance 啦！
值得一提既係套電視音響，音質一流！就係呢種音質，所以小編煲Netflix 煲左成日。(記得帶電腦黎駁落電視睇)
▼ Grand Deluxe Room
▼ WG 茶包及咖啡
▼ 個景 (等於無景)
▼ 浴缸打卡一流
▼ 浴室備品
【早餐】
早餐可以係留下Drawing Room 或者潤餐廳度食，如果疫情下想In-room 又得！小編咁岩兩者都試左🤣🤣🤣一個人in room 另一個人樓下食。係St Regis 食早餐，係食個種精緻，你唔會見到大堆頭乜野都有得食，所以選擇比較少。而In-room 同係樓下食既野都差唔多，所以俾我再揀我揀In-room，舒舒服服係間房嘆下🤣🤣🤣
【總結】
千幾蚊真係好抵住，如果之前有買落Marriott Gift Card，可以有額外8折！又或者用AE 卡優惠滿$ 2,400 回贈$ 600又得👉https://flyday.hk/92970，計返條數，二人米芝蓮一星Lunch 再加房間，扣埋回贈即係total $ 2,536，仲連早餐喎！
香港瑞吉酒店 (地圖)
地址：灣仔港灣徑1號
電話： 2138 6888
香港瑞吉酒店官網
The post 【香港瑞吉酒店優惠】24小時豪華體驗！入住送,000 餐飲消費額！另有套房優惠！ first appeared on Flyday.hk.
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
按此搜尋最優惠酒店 按此搜尋最優惠航班 按此搜尋行程套票
[香港結伴同遊交友] -分享旅遊著數優惠及遊記攻略,一起去旅遊吧!! IOS下載 Android下載
[香港房屋分租共享App] - 室友合租,出租買賣,夾租短租,車位買賣,二手傢俬電器! IOS下載 Android下載
HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!! IOS下載 Andorid 下載
按此搜尋最優惠酒店 按此搜尋最優惠航班 按此搜尋行程套票
返回首頁
香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用.
按以下按鈕下載我們全新版本APP版
