大鄉里坐飛機 與 入境芬蘭篇

兩年冇坐過飛機,終於登上芬蘭航空機艙一刻,心情好複雜。感覺好似第一次坐飛機,又緊張又興奮,但分別在於第一次坐飛機係緊張坐飛機多啲,而今次係興奮個行程多啲。由於目前唔多國際航班,飛機準時9點10分離開香港國際機場。

▼好耐無見既登機牌

Flyday小編出走芬蘭

香港直飛芬蘭只需要9個鐘鬆啲,第一次坐芬蘭航空感覺非常良好!好好彩upgrade左去Comfort Economy,服務差唔多但個位闊啲。2年冇坐飛機到呢刻再出發,原來一切幾乎都冇變過。成程機入面,照舊派2次飛機餐,分別係牛油雞配飯同茄汁長通粉。

▼芬蘭航空 Economy Comfort

Flyday小編出走芬蘭

▼芬蘭航空Clean Kit

Flyday小編出走芬蘭

▼一上機每人派支水

Flyday小編出走芬蘭

▼好耐無食既飛機餐,好懷念!

Flyday小編出走芬蘭

另外都會有2次派餐飲服務,聽聞芬蘭航空嘅藍莓汁好好飲,所以好似啲外國人飲酒咁隊左好幾杯 (後記:原來太好飲,香港都有得賣啦!)

▼芬蘭航空藍莓汁

唯一唔同係空中服務員同旅客都帶上口罩,因為少咗旅客,大家距離遠咗,作為乘客嘅我地就緊係舒服咗啦。

▼萬里無雲既天空

Flyday小編出走芬蘭

芬蘭慢香港5個鐘,所以坐完10個鐘飛機,抵達芬蘭都只係同一日嘅下午2點。赫爾辛基機場唔大,一落就會見到轉機處。今次班機由香港飛芬蘭,好多乘客之後會轉機去其他歐洲城市,變相小編係少數入境芬蘭嘅旅客。由於已經打齊2針,又來自低風險地區,加上入境前已經填好電子健康申報表,所以一到步就可以直接去移民局辦理入境程序。

成個入境程序只需5分鐘內就完成。關員好Nice,但係要有心理準備會問你一連串問題,例如今次我被問到
黎芬蘭有咩目的?
有冇回程機票?
係芬蘭打算留幾耐?
之後會去咩國家?
帶咗幾多錢入黎玩?
有冇book到住宿?
等等……

所以提提大家就算冇咩計畫都好,都要book定啲住宿同回程機票,咁就冇問題了。成個過程無需要量體溫,都唔需要即場做Covid Test,更加唔需要隔離就已經可以離開機場。

▼ 赫爾辛基機場

赫爾辛基機場 

機場有火車出市區,單程4.1€。坐火車出市區沿路見到好多黃黃綠綠嘅樹,已經睇到好興奮。我相信今次芬蘭之旅將會感受到更多秋日色彩。

▼ 等梗火車出市區

▼秋天既芬蘭實在太靚啦!

秋天芬蘭

下回待續…


入境芬蘭網站參考:https://bit.ly/3lcREG5

入境芬蘭前必須填好健康申報表:https://bit.ly/3uNtvsN

The post #2 小編出走:大鄉里坐飛機與入境芬蘭篇 appeared first on Flyday.hk.

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

下載:hkDate 免費香港交友APP,認真交友,尋找穩定關係及結婚對象( Android + IOS)



[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App