離開北歐四國之後,下一個旅行目的地就係波羅的海三小國,即係愛沙尼亞、拉脫維亞同立陶宛。之前遊歷接近二十日北歐,係接近冇人帶口罩嘅情況下,早已經忘記COVID嘅存在。但回到波羅的海,落咗飛機前往酒店,見到車廂內有人帶口罩,又彷彿將你從美好國度扯回到現實。


原本波羅的海三國文化相似,景點唔多都冇咩值得講,但疫情之下,三國嘅疫情都有唔同,所以佢地嘅防疫措施都唔一樣,如果呢個時間遊覽三國就要多加留意啦。

首先講下疫情最輕同防疫措施最鬆嘅國家-愛沙尼亞講起。呢幾日我搵到一位沙發主人Yana,佢係純正愛沙尼亞人,之前做過導遊,又去過韓國半年,所以佢屋企牆上放咗幾張韓國景色嘅Postcard。Yana依家除咗有番工之外,仲有係大學教緊韓文。因為佢對我實在太好,比我鎖匙隨時番佢屋企,所以我決定煮一餐中餐比佢食。其他時間主要留係古城區。

▼愛沙尼亞

Flyday 設遊記 愛沙尼亞

▼愛沙尼亞沙發主人Yana

Flyday 設遊記 愛沙尼亞

至於愛沙尼亞只要室內帶口罩,而且去到餐廳,只要出示針卡就可以,博物館、景點同手信店一切如常營業,係三國入面對遊客影響最少。

▼去到愛沙尼亞餐廳,要出示針卡

Flyday 設遊記 愛沙尼亞

▼愛沙尼亞

Flyday 設遊記 愛沙尼亞

其次防疫措施都算鬆嘅仲有立陶宛,我係立陶宛住係一間距離火車站同晚巴士站只有步行三分鐘嘅Hostel,原因係立陶宛兩個出名嘅景色,十字架山同特拉凱城堡都需要坐火車或巴士前往。前後我係立陶宛留咗三日,感覺立陶宛都好歡迎遊客黎玩,餐廳同旅遊景點全部都有開,只係立陶宛比愛沙尼亞稍為再嚴一啲。除咗室內同乘坐交通工具要帶口罩之外,部分場所如便利店、郵局,同一時間唔可以超過2,3個客人係室內,過咗就要係外面排隊。

▼立陶宛特拉凱城堡

Flyday遊記 立陶宛

▼立陶宛特拉凱城堡

Flyday遊記 立陶宛

▼立陶宛

Flyday遊記 立陶宛

▼立陶宛

Flyday遊記 立陶宛

前往十字架山同特拉凱城堡途中分別都識到新朋友。由首都維爾鈕斯坐兩個半鐘火車就到Siaulai,呢段火車上我同一個立陶宛男仔同車廂,然後佢主動搭傘。雖然我唔會主動聊人講野,但又係來者不拒,Lukas主動聊我講野,知道雖然佢係立陶宛長大,但之後去咗美國唔同城市工作,因為疫情先番歐洲。至於去城堡個程巴士都遇上三位德國學生,我地同一間青旅但有冇點交流,直到去城堡發現同車先開始傾計,有時間緣份就係咁。

▼立陶宛十字架山

Flyday遊記 立陶宛

▼立陶宛十字架山

Flyday遊記 立陶宛

最後,疫情最緊張同防疫措施最嚴肅嘅就係拉脫維亞。拉脫維亞係歐洲近期最新收緊防疫措施嘅國家。雖然拉脫維亞有足夠嘅疫苗比市民打錯,但當地接種率奇低,只有兩三成,加上歐洲開始轉季,無論流感定COVID個案都上升,醫院不勝負荷,所以當地政府決定,由10月20開始到11月15日,全國所有娛樂場所需要關閉,只有生活必需品店可以開門做生意,餐廳只可以做外賣,堂食一律禁止,而且所有鋪頭只可以開到到晚上7點,晚上8點到凌晨5點更加係宵禁,比警察捉到冇合理解釋,要罰錢架。

▼拉脫維亞

Flyday 遊記 拉脫維亞1  聽完係咪覺得呢個時間去拉脫維亞冇意思呢?不過我由愛沙尼亞一路南下,唔想兜路就只能夠經過拉脫維亞,所以最後都決定留兩日。同樣入拉脫維亞之前都要上網填入境表,當中因為我冇歐盟針卡要額外做COVID test。係愛沙尼亞診所做要39歐,雖然貴但即時出到證明,但最後坐巴士入拉脫維亞,全程冇人check過。

▼拉脫維亞

Flyday 遊記 拉脫維亞1

原本拉脫維亞都搵到沙發主人接待,但自出咗封城令,都禁止外國人探訪或住朋友屋企,所以最後都係搵咗一間古城嘅Hostel住兩晚。呢兩日九成嘅店舖都關門,但我都可以去便利店同超市買到明信片,都可以去郵票買郵票寄。唯一開門又最值得參觀就係里加中央市場,個人覺得行過當地市場先有種居住過嘅感覺。即使宵禁令原本冇乜野睇嘅里加變得更加沉悶,但係Hostel又聚集咗一班唔識死嘅遊客,正好COVID 宵禁將我地關係拉近,坐係Common Room傾計,呢個都係青旅嘅本意,旅行除咗要觀光睇景點,更重要就係同人交流文化呢。

▼拉脫維亞中央市場

Flyday 遊記 拉脫維亞1

雖然波羅的海三國有唔同程度嘅COVID對應措施,不過都無點阻到行程,十日波羅的海之旅好快又黎到尾升,下站將會到波蘭探一個好耐冇見嘅墨西哥朋友同埋佢個波蘭老婆,用旅行吊靴鬼嘅形式,跟住朋友黎個地道波蘭遊。

——————————————

小編出走遊記一覽

  • #1 小編出走:疫情下的一趟旅行
  • #2 小編出走:大鄉里坐飛機與入境芬蘭篇
  • #3 小編出走:秋日森林採菇+正宗芬蘭桑拿
  • #4 小編出走:那赫爾辛基被遺忘的秋天 (六大秋葉打卡景點)
  • #5 小編出走:瑞典真紅葉 – 皇家理工學院+斯德哥爾摩市政廳
  • #6 小編出走:北歐魚湯與肉丸
  • #7 小編出走:世界最長的地下畫廊

The post #8 小編出走:波羅的海三國 防疫措施大不同 appeared first on Flyday.hk.

[香港結伴同遊交友] -分享旅遊著數優惠及遊記攻略,一起去旅遊吧!!   IOS更新中...    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

按此搜尋最優惠酒店    按此搜尋最優惠航班    按此搜尋行程套票





香港旅遊優惠情報TG Group

下載:hkDate 免費香港交友APP,認真交友,尋找穩定關係及結婚對象( Android + IOS)



[香港結伴同遊交友] -分享旅遊著數優惠及遊記攻略,一起去旅遊吧!!   IOS下載    Android下載

[香港房屋分租共享App] - 室友合租,出租買賣,夾租短租,車位買賣,二手傢俬電器!   IOS下載    Android下載

HKchat [香港匿名朋友圈] -- 一齊講秘密! 交友約會! 完全匿名!完全免費! 想講咩就講咩!!  IOS下載   Andorid 下載

按此搜尋最優惠酒店    按此搜尋最優惠航班    按此搜尋行程套票

返回首頁

  
  

香港旅遊優惠資訊APP( 旅行情報攻略-機票及酒店優惠資訊)全新版本, 資訊更新更快, 用戶介面更方便易用. 按以下按鈕下載我們全新版本APP版
下載我們最新Android App